مساء الخير عليكم اليوم جبتلكم طريقة عنايتي ببشرتي
اولا رايحة نبدا بالتقشير
الطريقة الاولى
مانحتاجه هو صابون الطرف والشب المسحوق
نغسل وجهي بالماء والصابون نتاع الطرف طبعا ندير بزاف الرغوة
بعدين نجيب الشب المسحوق و نبدا نحك بيه ف الرغوة لي ف وجهيي امممممممممم والله روغة تحسي وجهك بياض و و راح تلاحظي كيف يتقشر الوجه
ملاحظة ليبشرتها جافة مننصحهاش بهد القومج
الطريقة الثانية
نحتاج بواطة نتاع بتيسويس
ناخد قيس ملعقة قهوة نوزعها على الوجه و الباقي ناكلوه
ههههه ونتركها حتي تجف لما تجف دلكي وجهك او ديري قومج للوجه
درك الماسكات
-ماسك الموز والحليب شوية موز و الحليب نتاع البقرة
طبعا ماشي لي يتباع
ونحطوه على البشرة حتى يجف
-ماسك النشاء
ندهن البشرة بشوية زيت زيتون على اطراف الاصابع ثم نكون قد حضرنا الماسك لي هو كاالتالي نحط الماء يغلي و ندير فيه النشاء حتي نحصل على جال نخليه يبرد شوي ثم نطلي الوجه بيه و نتركه يجف
لما يجف تماما نغسل بالماء الدافئ و تشوفي ديك الطراوة و الحيوية نتاع البشرة
لترطيب البشرة
هد الطريقة شفت جداتي تديرها وماما تعاندت عليها وانا تعاندت على ماما
حليب البقرة لما يغلي و يبقي مدة تدير التلوة او مانيش عارفة كيفاه تسموها
المهم القشدة .... الخ ناخد منها في كاس نحطو ف الثلاجة و كل يوم نمسح الوجه بيه
ههههههه طبعا ثلاث ايام و تشوفي الخدود يولو حمورة
و الوجه يبياض و يولي طريييييييييييي
طبعا كلش بلاكو تخرجو ف الشمس و تتعكس الايه هههههه و تولو نيقروات
لتبييض الاماكن السوداء
اممممم هد الخلطة عطاتني نتاعئج مدهلة
شوفو تجيبو شريحة ليمون تحكوها ف المنطقة /تحت الابط مثلا
ثم قبل ما تجف نحط عليها النشاء ونتركها مدة من 10 الى 15 دقيقة
واخيرا نتمنا يعجبوكم وتجربوهم
