اليوم حبيت نحطلكم لاغوسات تاع المثوم راهي طالبتها هبة و الشطيطحة جاج او لحم
المثوم
المقادير/
200 الف لحم مرحي و شوية جاج تقدري تستغناي على الجاج
حبة ثوم كبيرة
حبة بصل صغيورة
كمشة حميصة
شوية زبدة او سمن و شوية زيت ما تيدميهاش بزاف خاطرش اللحم اصلا فيه الشحم
فلفل اسود و ملح
طريقة التحضير/
ديري مغرفة سمن او زبدة + 2 مغارف كبار زيت في طنيجرة و خليه يسخن شوية
ديري البصل و خليه شوية يتقلا
زيدي الحميصة و الجاج و فلفل اكحل و الملح و خليهم يتقلاو مليح
مرقي حتى يتغطا الجاج و ارمي عليها نصف كمية الثوم بعدما نقيتيه و هرستيه بال مهراز
لي بولات تاع اللحم مرحي/
لحم مرحي + الثوم اللي تبقا مهروس + فلفل احكل و الملح
لميها مليح و ديري كويرات صغار
************
كي يطيب الجاج و الحميصة ارمي لي بولات تاوعك و خلهم يطيبو شوية قيسما تتجمر المرقة
و قدميه تحبي تزينيه باللوز ملفوق او الصنوبر
انا صراحة نحب نخليه هاكداك
و شهية طيبة هههههههه
بما انني شوي شوي ف الطياب حبيت كل وحدة منكم تحطلي الوصفات الناجحة لي راهي تطيب بها
