مقروط الكوشة.. النايلية

Admin عدد المساهمات : 461 تاريخ التسجيل : 22/12/2011

مقروط الكوشة خفيف و بنتو هايلة
2 كيلات فرينة

2 كيلات دقيق

كيلة نصها سمن و نصها زيت

ملعقة صغيرة خمارة قاطو و ملعقة صغيرة خمارة الخبز

كاس حليب

و ماء زهر
السر تاع المقروط التبساس لازم تبسيه مليييييييييييح + السمن يعود بارد يعني متذوبيهش

++

التمر اخدميه روحك متشريش الواجد مش مليح و زيديلو بيكربونات بام مييبسش

الصور
هذا السمن لي نخدم بيه

هذا الكاس لي كيلت بيه كلش

هنا حطيت الدقيق و الفرينة و الخميرتين و خلطتهم

و بعدها زدتلهم السمن و الزيت و بديت نبسس
قلت السمن متذوبيهش كيما راه ديري نص كاس و زيديلو نص كاس زيت كيما في الصورة لفوق و ابداي حكيه مع الفرينة و الدقيق ملييييح

و متخافيش اذا حسيتي العجينة مرخوفة ياسر كي تبداي تزيدي في كاس الحليب راح تقسى العجينة
و زيدي شو مزهر حتان تحسي العجينه تلمت و ليانت

نروحو للتمر بعدما تنقيه مليح زديلو شوي بيكربونات و خلطيها

و بعدها ابسطي العجينة تاعك على جيهة و ابسطي التمر على جيهة ثم حطيه فوق العجينة و رولي

و كي تعودي تقطعي استعملي صباعك زوج باش يخرجو الحبات كيف كيف

و لا تحبي الشكل العادي

ثم الى الكووووووشة كي تخرجيه من الكوشة و هو سخون عسليه
ديري العسل العادي + ماء زهر شوي برك + عود وللا زوج قرفة + دائرة تاع قارص
و راه يشرب ياسر يعني على الأقل تعسليه 3 مرات
و بعدها ديريلو الالجلجلان للتزيين انا درت الكوكاو

ماشاء الله هبوش يشهي هد السمانة نجربو برك السمن متاع المرجان ناقصة عندنا المدينة

Admin عدد المساهمات : 461 تاريخ التسجيل : 22/12/2011

ان شالله يخرجلك مليح

انشاء الله

اييييييييييييييييييييييييييييه يا الشاطرة و انا اللي كنت حاسباتك ما تعرفي والو وترنتك انا اللي ما نعرف والو جامي سييت المقروط وعععععععععععععععع
هههههههههههه جاك هايل هبهوب يعطيك الصحة حبيبتي
ان شاء الله نجربو

Admin عدد المساهمات : 461 تاريخ التسجيل : 22/12/2011

ههههههههههههههههههههههه تفرت فيك ههههههههههههههه

معليش وحدة وحدةهههههههه

الله يسلمك حنونتي