احم احم احم ادخلو و قولو الصراحة هههههه

اليوم راني فرحانة ههههههه و 5 في عينيكم هههههه تعلم حاجة و هي لابات فيتي او العجينة المورقة وبديتنبدع شوفو واش درت

هدو دي سوفلي


ليتارتولات
مهبطش صورتهم مبعد






واخيييرا الميلفاي









واش قلتو هههههههههههه

أووووووووووووووو هبهوب ولله ولله ولله ماني مصدقة تقول راكي في قلبي و تسمعي وش راني نقول ،،،، هاذ الليامات حابة نتعلم المورقة نضل نقرا في المواضيع عليها و حابة نجرب البقلاوة تاعها
واش نقولك هبهوبتي الله يبارك عليك خرجولك كامل هايلين و خمسة في عينيا هههههه
يعطيك الصحه ،،،، الينا بالمقادير و الطريقة توت سويت ههههههه كامل في ثلاثة كيفاه درتيهم

المقادير

ديري 250غ زبدة مورقة مع 500 غ فرينة

الخطوات
تبلي الفرنية /كلما كانت العجينة طرية تكون المورقة ناجحة وخفيفة/ مع رشة ملح
ترشي العجينة بالفرينة و تلفيها في سرفيطة و تدخليها لثلاجة علي الاقل ترتاح نصف ساعة

يتبع ...

بعدما نخرجها من الثلاجة/ملاحظة1 كلما ارتاحت العجينة اكثر تتورق اكثر/

نحلها بالحلال
نقطع الزبدة بهدا الشكل


و نفسم العجينة المبسوطة على الطاولة نصفين بالعين فقط
ونوزع عليها الزبدة .ثم نطوي الجزء الثاني عليها بهدا الشكل تقريبا


نقوم بضرب العجينة بالحلال حوالي 15 ثانية
ثم تبسطيها و تطويها علي 4 كما ف الصور/المرة الاولى/



/الصور جبتهم من النت انا مصورتش معنديش الصوارة/

ونغطيها تخليها ترتاح واحد 20 دقيقة فوق طاولة العمل



ملاحظة2 طول العمل ونتي ترشي بالفرينة طاولة العمل

بعد 20 دقيقة نرش الطاولة بالفرينة و نحل العجينة و نطويها على 4 /المرة الثانية/
/ملاحظة3 مترقيش العجينة بزاف و متخليهاش سميكة /
هدا السمك العادي


color=olive]/بقات المرة 3 و4/[/color]نكرر العملية 4 مرات وبين كل مرة و مرة 20 دقيقة[

يعني تحكم وحد الساعة ونتي رايحة جاية للكوزينة

و مبعد ما تجهز ممكن تحتفظي بها فالثلاجة الاكان كنتي رايحة تستعمليها في نفس اليوم
او تحتفضي بها ف الكونجيلاتور ههه مدة 3 اشهر

نتمنى فهمتو راني جاهزة للاسئلة

بالنسبة للعجينة المورقة هناك تنواع حسب استعمالاتها

الطرقة ليدكرتها نتاع الميلفاي

هناك طرق اخرى مثلا نتاع ليتارت
250 غ فرينة 135غ زبدة
نفس الطريقة برك نطويها على 3



http://forum.hawahome.com/nupload/77244_1239971081.jpg
و نكرر العملية 5 مرات كل 15 د

بعض الملاحظات
العجينة المورقة لا تعجن ولا تكوم حتي لما تستعمليها الزوائد من الاحسن تطويهم و تبسطيهم مع العجين
يمكن الإحتفاظ بالعجينة المورقة 4 ايام في الثلاجة و 3 اشهر في المجمد


تطهي ف الفرن الطابق 2 من الاحسن نسخن الفرن مليح/ربع ساعة/ و درجة الحرارة من 200 الي 250 درجة

الله الله خموووووووووووس عليييييييك هبهوب
يعطيك الصحة
ماشاء الله راكي مرا و نص و 25 ههههه كيما نقولو
انا تاني حبيت نجرب لابات فويتي و بالاك هاد اليامات ان شاء الله
ان شاء الله تنجحلي كيما انت حبوبة
5 في عينين هادوك الغيورين(هبة) ههههههههههههههههههههههههه

هههههههههههه سمونة حرام عليك غير هبوش متضربنيش بالعين ههههههههههههههه
الله يسلمك انشاء الله جربوها هي سهلة

اعطيني لاروسات نتاع المقروض نتاع الفرن ليقلتيلي عليه انا جربت نتاع شهد العسل و جاني مليح

ههههههههههههههه شكرا هبوش هدليام نجربو مي مفهمتش حاجة كفاه مندوبوش السمن يعندي نحكوه مع السميد و الفرينة هكاك جامد