اهلييييييييييييييييييييين حبيباتي
اليوم حبيت نديرلكم تارت الليمون غوسات تاع ماما صراحة دجربت تاع ام كوثر بصح جاتني بزاف حااااااااااامضة
بلا ما نطول عليكم نخليكم مع المقادير و طريقة التحضير
**********العجينة(بات سابلي)*********
125 غ زبدة
250 غ فرينة كيلي بالشكارة تاع الفارينة تاع الكيلو
قرصة ملح
ماء ( قيس فنجال او ما لحقش)
طريقة التحضير/
ديري الفرينة + قرصة ملح و خلطيهم مليح
ضيفي الزبدة و رملي العجينة تاعك حتى تولي شغل غبرة
و ابداي تضيفي فلماء حتى تتحصلي على عجينة بصح بالاكي تجريها
حليها و ديريها في سنيوة غامقة شوية و اثقبيها بالفرشيطة باش ما تتنفخش و دخليها للفور حتى تحمار شوية و خرجيها و خليها تبرد
*********الكريمة*********
نص لتر حليب
2 صفار بيض
2 م ك مايزينة
السكر حسب الدوق
عصير حبة ليمون
م ك زبدة
طريقة التحضير/
ديري كامل المكونات في كاسرونة فوق نار هادية و خلطي مليح حتى يتخثرو و يولو على شكل كريمة باش تجير رائعة زيديلها مغرفة كبيرة تاع المورانغ و خلطي و بعدها دخليها للفريجيدار باش تبرد
*******المورانغ*******
الشاربات/ 2 كيسان ماء ب كاس سكر ديريهم فوق النار و خليهم حتى يتقالو شوية
2 بياض بيض مع قرصة ملح
طلعي البيض مع الملح بالباتور مليح و بعدها ابداي تضيفي فالشاربات تاعك غير بالعقل
ابقاي تخلطي مليح بالباتور
باش تعرفي بلي نجحتلك اقبي الصبسي تاعك او الليانة و ادا قعدت هاكداك واقفة و ما ساحتش
*************التزيين*************
حطي الطورطة تاعك فوق الطبسي
ديري الكريمة ثم المورانغ بلابوش ادوي
انا خسرتلي لابوش ادوي درتها غير بالفرشيطة
و عاودي دخليها للفور و اشعليلها ملفوق باش تحمار شوية بالاكي تغفلي عليها راهي تحمار بالخف
و هايليك النتيجة راهي بنينة بزاااااااااااااااااف جربوها و ما تندموش
راني نستنا في الردود
